Fréttir

Í Skagafirði  26 júní -3 júlí 2011 Lífland var með verslun á Landsmóti hestamanna á Vindheimamelum í Skagafirði í liðinni viku. Okkur langar að þakka þeim fjölmörgu sem komu í sölutjaldið til okkar til að versla og kasta á okkur kveðju. Nú þegar er hafinn undirbúningur fyrir þátttöku Líflands í Landsmóti í Reykjavík 2012 og vonumst við til að sjá sem flest ykkar aftur þar. Í millitíðinni tökum við vel á móti ykkur í verslunum okkar í Reykjavík og á Akureyri.   Starfsfólk Líflands  

Ný fóðurverksmiðja Líflands eykur samkeppnishæfni íslensks landbúnaðar  þann 15 Óktóber 2010 var ný fóðurverksmiðja Líflands á Grundartanga í Hvalfirði tekin formlega í notkun. Nýja verksmiðjan markar tímamót varðandi gæði og öryggi fóðurs, sóttvarnir og rekjanleika afurða. Alger aðskilnaður er milli hráefna og hitameðhöndlaðrar vöru sem er forsenda öflugra sóttvarna gegn örverum. Fjárfesting í verksmiðjunni nemur um 1,6 milljörðum króna. Framkvæmdir við verksmiðjuna hófust í júlí 2009 og alls störfuðu á annað hundrað manns við byggingu hennar. Framleiðslugeta verksmiðjunnar verður rúmlega 60 þúsund tonn á ári.