Brauð og pizzur

Kornax bláa brauðhveitið hentar vel í brauðbakstur en það inniheldur 13% prótein. Próteinríka Kornax brauðhveitið er fyrirtaks hráefni til að baka úr pizzabotna og ítölsk brauð, sér í lagi gróf brauð.

Kornax bláa brauðhveitið er með hærra próteininnihaldi en annað neytendahveiti og hefur því fleiri eiginleika sem eru:

• Það er betur fallið til hefbundins brauðbaksturs og baksturs í brauðvélum
• Það gefur stökkari og betri skorpu
• Hentar betur í ítalska pizzubotna
• Það þarf lengri vinnslutíma en hefðbundið hveiti
• Það tryggir að brauðin lyfti sér betur og verði léttari í sér
• Það gefur aukna möguleika á að nota til dæmis heilhveiti, rúgmjöl, fræ og klíð í brauð án þess að þau verði of þétt
• Það þolir betur að í það sé bætt hvítlauk, rifnum gulrótum og ýmsum kryddjurtum eins og fennel, kóríander og oregano

 

Hér má finna margar skemmtilegar uppskriftir af góðum brauðum eins og mamma bakaði.

Brauð

Bollur og horn

Pizzur

 

Holl ráð við bakstur:

• Notið alltaf þurrger þegar bakað er í brauðvél
• Kjörhiti gerdeigs er 27°c
• Blandið aldrei saman geri og olíu/feiti í upphafi
• Hyljið ætíð gerdeig með rökum klút
• Almennur hefunartími er 45-60 mínútur en það fer eftir stærð brauðs
• Því hærra fituinnihald í brauði, þeim mun betur geymist það í frysti
• Olía/smjör gefur brauðum oft betra bragð, hefur góð áhrif á glútenvirkni í deiginu og auðveldar vinnslu
• Sykur gefur góðan ilm og gerir það að verkum að brauðin fá á sig fallegan gylltan blæ
• Heppilegra er að bæta hvítlauk og kryddjurtum við undir lok vinnslunnar á deiginu