Mars vatnsdeigsbollur

Vatnsdeigsbollur, 15-20 stk

• 500 ml vatn
• 250 g smjör
• 250 g Kornax rautt hveiti
• ½ tsk hjartarsalt
• ¼ tsk salt
• 5 stk Nesbú egg, meðalstór

Hitið ofninn í 200°C ( undir/yfirhiti ) eða 180°C ( blástur )
Vatn og smjör í pott og hitið þar til byrjar að sjóða. Takið pottinn af hellunni og blandið hveiti, salti og hjartarsalti saman við suðuna með sleif. Hrærið í þar til blandan er orðin þykk og laus frá köntum pottsins.
Færið nú blönduna úr pottinum í hrærivélaskál, setjð K-ið í og hrærið blönduna á lægsta hraða þar til mesti hitinn er rokinn.
Blandið nú einu eggi í einu útí blönduna og vinnið vel saman á milli. Þegar blandan fer að mýkjast, þá má auka hraðan á vélinni og vinna deigið vel upp á milli eggja.
Setjið bökunarpappír á ofnplötu og sprautið deiginu í hæfilega stærð á plötuna, einnig er hægt að notast við matskeiðar til að koma deiginu á plötuna.
Bakið í ca. 30 mínútur eða þar til bollurnar hafa tekið á sig góðan lit. Það er betra að baka þær aðeins of lengi, og mjög mikilvægt er að opna ekki ofninn á meðan að bakstri stendur þar sem bollurnar geta fallið.

Marsrjómi

• 180 g Mars súkkulaði ( 4 stk )
• 150 ml rjómi
• 400 ml rjómi

Hitið 150 ml af rjóma í potti að suðu ( má ekki sjóða !!! ). Saxið Mars súkkulaðið í litla bita og setjið í skál og hellið heitum rjómanum yfir. Hrærið í blöndunni þar til súkkulaðið er allt bráðið. Leyfið blöndunni aðeins að kólna, lokið skálinni og setjið inn í ísskáp í a.m.k. 3 tíma, en best er að geyma blönduna í ísskáp yfir nótt.
Setjið nú saman í skál blönduna og 400 ml af rjóma og þeytið saman þar til blandan er fullþeytt. Opnið bollurnar og smyrjið Dulce de Leche á botninn ( fæst í stórmörkuðum ), fyllið bolluna með Mars rjómanum, setjið lokið ofaná og toppið með súkkulaðiglassúr og söxuðu mars súkkulaði.

Súkkulaðiglassúr

• ca. 300 g flórsykur
• 1 msk kakó

Þessu er blandað saman með köldu vatni þar til rétt þykkt næst.