Fréttir

Vorum að fá nýja sendingu af Brighteye stein- og bætiefnafötum fyrir hesta. 20 kg fötur með handfangi. Brighteye föturnar henta afar vel fyrir útigang og reiðhesta á húsi. 2 gerðir í boði, venjuleg hestafata og hestafata með hvítlauk Brighteye bætiefnaföturnar innihalda melassa og ríkulegt magn af nauðsynlegum steinefnum, snefilefnum og vítamínum.Melassinn gerir blönduna lystuga.Brighteye föturnar henta hvort heldur sem er utan eða innan dyra. Sjá nánar smella hér

Frá og með 1. febrúar mun gjaldskrá Líflands fyrir akstur innanlands hækka um 9%.  Þessi hækkun er því miður óhjákvæmileg og kemur til vegna ýmissa kostnaðarhækkana sem orðið hafa á síðustu mánuðum.Akstursgjaldskrá Líflands var síðast breytt í febrúarmánuði 2011. Allar nánari upplýsingar veitir:Bergþóra Þorkelsdóttir framkvæmdastjóri, bergthora@lifland.is, s. 540-1100.   Virðingarfyllst, Lífland

Starfsemi Líflands lýtur annars vegar að þjónustu tengdri landbúnaði og hins vegar hestaíþróttum, dýrahaldi og útivist. Lífland rekur nýja fóðurverksmiðju á Grundartanga sem framleiðir kjarnfóður sem stenst strangar alþjóðlegar gæðakröfur auk þessa rekur Lífland verslanir í Reykjavík og á Akureyri.  Kornax er eina hveitimyllan á Íslandi. Fyrirtækið sérhæfir sig í mölun og vinnslu á hveiti og öðrum mjölafurðum ásamt innflutningi á tengdum vörum. Nánari upplýsingar á www.kornax.is

Óskum samstarfsaðilum okkar  gleðilegra jóla og farsældar á nýju ári. Þökkum fyrir viðskiptin á árinu sem er að líða.     Starfsfólk Líflands        

Undanfarin ár hefur Lífland boðið viðskiptavinum sínum upp á ýmsa viðburði fyrir jólin.Fagfólk innan hestamennskunnar kemur í verslanir Líflands í Reykjavík og á Akureyri og er viðskiptavinum innan handar með val á búnaði.Hvetjum við viðskiptavini okkar til að koma og leita í reynslubanka þessa fagfólks. viðburðir:

Ó já, jólastemningin læddi sér inn um bréfalúguna á skrifstofu Landsmóts í morgun með jólatónlist, kertaljósi og piparkökum í bunkum.  Við viljum því endilega minna ykkur á jólaleikinn okkar sem fór í gang um leið og miðasalan hófst. Veglegir vinningar bíða í pottinum en allir seldir miðar fram að jólum fara sjálfkrafa í pottinn. Athugið að á forsöluverði kostar vikupassi aðeins 10.000 krónur með LH/BÍ afslætti og N1 korts afslætti, en fullt verð er 18.000 krónur.

Lífland tilkynnir hér með um lækkun á kjarnfóðri.  Lækkunin nemur allt að 5%, mismunandi eftir tegundum. Ástæða verðbreytingarinnar er lækkun á heimsmarkaðsverði hráefna til fóðurgerðar. Þrátt fyrir lækkun á mörkuðum undanfarið eru miklar blikur á lofti á hrávörumörkuðum og enn óljóst hvert hráefnaverð stefnir. Allar nánari upplýsingar veitir undirrituð í síma 540-1100. Virðingarfyllst, F.h. Líflands Bergþóra Þorkelsdóttir framkvæmdastjóri

Bændaþjónustan, Efstubraut 1, Blönduósi verður með opið hús (vörukynningu) laugardaginn 12.nóvember Ráðgjafar frá Líflandi og Gæðavörum verða á staðnum.  Ýmis tilboð í tilefni dagsins.  Léttar veitingar í boði  Allir hjartanlega velkomnir.  Eymundur og Hái

Lífland hélt fræðslufundi fyrir kúabændur á fimm stöðum á landinu í síðustu viku. Þetta er fimmta árið í röð sem Lífland heldur fræðslufundi af þessu tagi. Fundirnir eru haldnir í samstarfi við hollenska  fyrirtækið Trouw Nutriton. Dagskrárefni að þessu sinni var „Umbreyting fóðurpróteins í mjólkurprótein – hvaða áhrif hafa gæði gróffóðursins?“. Auk þess var fjallað um niðurstöður heysýna, sem tekin hafa verið í ár af Líflandi og greind af rannsóknarstofunni BLGG í Hollandi.