Fara í efni

Insylo - snjöll sílóvöktun

Fylgstu með birgðastöðu fóðurs í rauntíma – hvar sem þú ert.

InSylo er snjöll sílóvöktunarlausn sem gerir bændum og fóðurframleiðendum kleift að fylgjast með fóðurmagni í sílóum á einfaldan og áreiðanlegan hátt.

Með nýstárlegri þrívíddarmyndavél (3D) mælir InSylo nákvæmlega hversu mikið fóður er í sílóinu hverju sinni. Kerfið fylgist jafnframt með hitastigi og rakastigi inni í sílóinu og hjálpar þannig til við að tryggja góð geymsluskilyrði og draga úr hættu á skemmdum af völdum myglu og örveruvaxtar.

Allar mælingar og upplýsingar eru vistaðar í skýjaþjónustu og aðgengilegar í einföldu vefviðmóti í símanum. Þannig getur þú fylgst með fóðurstöðu, notkun og geymsluskilyrðum hvenær sem er og hvar sem þú ert.

Nákvæmar mælingar sem þú getur treyst

Áreiðanlegar upplýsingar eru forsenda góðrar fóður- og birgðastýringar.

Til þess að geta skipulagt fóðurinnkaup og afhendingar með góðum fyrirvara þarf að vera hægt að treysta upplýsingum um fóðurmagnið í sílóinu.

Nákvæmar mælingar á fóðurstöðu gera þér kleift að fylgjast með fóðurnotkun, fá viðvaranir þegar fóðurmagn fer niður fyrir ákveðin mörk og sjá hversu mikið pláss er til staðar fyrir næstu áfyllingu.

InSylo notar sérþróaða þrívíddartækni sem hefur verið þróuð sérstaklega til að mæla innihald sílóa. Tæknin veitir nákvæma mynd af magni fóðurs, jafnvel þótt yfirborð þess sé ójafnt, og skapar þannig áreiðanlegan grunn fyrir betri birgðastýringu.

Helstu eiginleikar InSylo

  • Nákvæmar þrívíddarmælingar (3D)
    Nýstárleg þrívíddartækni mælir rúmmál fóðurs í sílóinu og áætlar þyngd þess. Þannig færðu áreiðanlegar upplýsingar um fóðurstöðu og laust geymslurými.
  • Myndavél inni í sílóinu
    Hægt er að skoða myndir af innra byrði sílósins til að meta hreinlæti, greina mögulegar skemmdir á fóðri og sjá hvort fóður sitji fast á veggjum. Myndirnar geta einnig nýst til að staðfesta að fóður hafi verið afhent í sílóið.
  • Vöktun á hitastigi og rakastigi
    InSylo fylgist með hita og rakastigi inni í sílóinu. Þessar upplýsingar auðvelda eftirlit með geymsluskilyrðum og geta hjálpað til við að greina aðstæður sem auka hættu á myglu og skemmdum á fóðri.
  • Sólarorka – engin rafmagnstenging nauðsynleg
    Tækið er búið innbyggðri sólarrafhlöðu og endurhlaðanlegri rafhlöðu. Því þarf ekki að leggja rafmagn að sílóinu, sem einfaldar uppsetningu og dregur úr rekstrarkostnaði.
  • Aðgangur að upplýsingum allan sólarhringinn
    Mælingar og upplýsingar eru vistaðar í skýjaþjónustu InSylo og aðgengilegar í gegnum vefviðmót eða smáforrit. Þú getur því fylgst með sílóinu úr tölvu eða síma, hvar og hvenær sem er og hægt er að skilgreina varúðarlágmörk og setja upp aðvaranir.
  • Góð reynsla á Íslandi
    Búnaðurinn hefur verið í prófunum á nokkrum búum hérlendis um nokkurt skeið og hefur reynslan verið afar góð. Búnaðurinn þolir veðurfarsaðstæður og umhleypinga og birtustig í svartasta skammdegi nægir hæglega til að halda sólarrafhlöðunni við.
  • Einföld uppsetning og lágmarksviðhald
    InSylo er hannað til að vera fljótlegt í uppsetningu og þarfnast lítils sem einskis reglubundins viðhalds. Þjónustudeild Líflands sér um uppsetningu búnaðarins.
    Sérhannaðar festingar gera kleift að setja tækið upp eða fjarlægja það á einfaldan og öruggan hátt, án þess að raska daglegum rekstri eða skerða burðarþol og þéttleika sílósins.
    Innbyggð sólarrafhlaða og sjálfhreinsibúnaður draga úr viðhaldsþörf. Eftir uppsetningu sér kerfið um að safna mælingum og miðla upplýsingum sjálfvirkt.


Hér má sjá raunverulegt skjáskot af mælaborði sílós sem er í notkun á Suðurlandi


Almennir skilmálar fyrir Insylo þjónustu