Fréttir

Stella Sólveig Pálmarsdóttir, starfsmaður verslunar Líflands í Reykjavík, hefur verið valin í landslið Íslands í hestaíþróttum fyrir Norðurlandamótið sem haldið verður í Svíþjóð í ágúst. Stella mun keppa á hesti sínum Svaða frá Reykhólum í fjórgangi V1 og tölti T1. Samstarfsfólk Stellu hjá Líflandi óskar henni til hamingju með landsliðssætið og góðs gengis á mótinu í Eskilstuna í Svíþjóð dagana 2. til 5. ágúst næstkomandi.

Þann 4 júlí voru 5 ár liðin frá því að verslun Líflands á Akureyri var opnuð. Rekstur verslunarinnar hefur gengið með miklum ágætum og hefur tilkoma hennar aukið til muna tengsl Líflands við hestamenn og bændur á Norðurlandi.

Landsmóti í Reykjavík lauk sunnudaginn 1. Júlí með mikilli hestaveislu. Hestakosturinn var auðvitað frábær og öll aðstaða og veitingar til fyrirmyndar.

Lífland hefur verið með verslun á Landsmóti allar götur síðan Landsmót var síðast haldið í Reykjavík, árið 2000. Á því verður engin breyting í þetta sinn. Í stóra tjaldinu á mótssvæðinu verður Lífland með stóran sölubás þar sem að boðið verður upp á fatnað, reiðtygi og alls kyns gjafavöru. Við verðum með fullt af flottum Landsmótstilboðum í gangi, sjón er sögu ríkari. Við hlökkum til að sjá ykkur á Landsmóti. Kveðja, starfsfólk Líflands

Lífland tilkynnir hér með um hækkun á kjarnfóðri.  Hækkunin er á bilinu 6-9%, mismunandi eftir tegundum.  Á síðustu mánuðum hefur verð á helstu aðföngum til fóðurgerðar hækkað verulega.

Lífland býður upp á steinbita í fjós sem framleiddir eru á Íslandi. Bitarnir hafa verið í þróun undanfarið ár og  prófaðir af Nýsköpunarmiðstöð Íslands og standast þeir allar mælingar um brotþol og styrk á steypu.

Þann 1. Júní flutti skrifstofa Líflands í nýtt og glæsilegt skrifstofuhúsnæði á þriðju hæð í Brúarvogi 1 – 3 í Reykjavík. Þar með hefur Lífland flutt alla sína starfsemi úr Korngörðum þar sem fyrirtækið hefur rekið sína starfsemi í áraraðir.

Fákur og Lífland brydda upp á þeirri nýung að bjóða sérmerktan fatnað fyrir Hestamannafélagið Fák sem að meðal annars verður Landsmótsfatnaður Fáksmanna. Allir ættu að finna eitthvað við sitt hæfi í línunni og fá Fáksmenn afslátt af fatnaðinum auk þess sem að merkingin fylgir með. Fatnaðurinn er fyrirfram merktur svo að ekki þarf að bíða eftir merkingu eftir að flík er valin.

Lífland hefur á síðustu misserum sótt í sig veðrið í sölu fatnaðar fyrir keppnisfólk í hestamennsku. Bjóðum við nú upp á nokkrar tegundir af hvítum og svörtum stígvélareiðbuxum, með og án stamrar bótar, frá Mountain Horse, Impact og Sonnenreiter.

Gæludýraklúbbur Líflands bíður nú  upp á fastann 10% afslátt af Arion Friends fóðrinu eins gilt hefur fyrir Arion Premium fóðrið. Í tilefni af þessu verður 5% aukaafsláttur af báðum fóðurtegundum í maí fyrir félaga í gæludýraklúbbi Líflands.Skráning hér