Blaðmiklir hafrar sem skríða seint. Hávaxið, finnskt yrki með góðan strástyrk. Hefur þótt áberandi blaðríkt og seint skríðandi í íslenskum tilraunum. Sé það ræktað til þroska getur það gefið af sér hafra sem henta bæði til manneldis (hafravölsunar) og til fóðurs. Kornið er nokkuð stórt og með hátt innihald betaglúkana sem gerir það hentugt sem t.d. haframjöl. 

Hafrar eru heldur seinni til kornþroska en bygg, almennt nægjusamari á köfnunarefnisáburð, þolnari á súran jarðveg og þurrkþolnir. Hafrar geta gefið góða uppskeru og eru prýðilegt kjarnfóður fyrir skepnur. Auðveldast er að láta hafra ná þroska á sandjörð. Fuglar láta hafra frekar í friði en bygg og þeir eru almennt þolgóðir í haustveðrum. Hafrar henta vel sem skjólsáning en líka er sniðugt að sá þeim með ertum. Sumarhafrar hafa reynst vel til grænfóðurræktar í þurrum sumrum þar sem þeir eru þurrkþolnari en rýgresi.

Ráðlagt sáðmagn 200 kg/ha.

Taika fæst í 20 kg smásekkjum.

Meira um ræktun hafra. 

Þessi vara er ekki til sölu í vefverslun en pantanir og fyrirspurnir berist til söludeildar í s. 540-1100 eða sadvara@lifland.is