Skjótvirkt fóðurbætiefni fyrir kýr, kálfa og kindur sem notast þegar skita, iðrakveisa eða eitrun gerir vart við sig. 

Virk kol (lyfjakol) bindast ýmsum eiturefnum (toxínum) sem bakteríur gefa frá sér auk
hættulegra efna og geta dregið úr eitrunaráhrifum þeirra.

Fóstur jórturdýra fá hvorki nægjanlegt E-vítamín né selen. Nýfæddir kálfar, lömb og kiðlingar þurfa því viðbótarskammt af þessum efnum til að forðast skort og tryggja eðlilegan þroska. Hentar fyrir lömb, kálfa og kiðlinga. 

Fyrirbyggjandi og til eftirmeðhöndlunar við doða. Inniheldur kalk og magnesíum, sem hjálpar við að koma í veg fyrir doða. 

Agrimin 24-7 forðastautar innihalda einstöka blöndu af joði, seleni og kóbalti, en sýnt hefur verið fram á að hún bætir heilsu áa og frjósemi þeirra auk þess sem hún eykur lífsþrótt lamba og lífslíkur við burð. 

Kalksalt er hvítlauksbætt bætiefnafata fyrir búfénað, framleidd úr endurnýttu salti úr fiskvinnslu og hafkalki úr Arnarfirði auk þess að vera A- ,D-, E-vítamín- og selenbætt. Kalksalt inniheldur melassa sem eykur lystugleika þess og stuðlar að góðri bindingu innihaldsins.