Lífland hefur um árabil verið í fararbroddi þegar kemur að úrvali sáðvöru sem gefið hefur góða raun við íslenskar aðstæður. Við bjóðum upp á gæðavöru, m.a. frá SW Seed í Svíþjóð (áður Svalöf) og Boreal í Finnlandi en þessi fyrirtæki eru leiðandi á sínum sviðum og hafa unnið mikið að kynbótum á nytjaplöntum fyrir norðlægar aðstæður. Lífland býður einnig upp á grasfræ og grasfræblöndur sem henta í grasflatir og til uppgræðslu á röskuðum svæðum og bjóðum við upp á túnvingul, sauðvingul, vallarveifgras, vallarrýgresi og fleiri valkosti í slíkt.
Framboð Líflands af sáðvöru tekur að stóru leyti mið af þeim yrkjum sem gefið hafa besta raun í yrkjatilraunum Landbúnaðarháskóla Íslands og hefur Lífland átt gott samstarf við íslenska jarðræktarsérfræðinga um yrkjaval. Jafnframt hefur verið leitast eftir því að eiga gott samstarf við bændur sem hafa hug á því að reyna ræktun nýrra tegunda og yrkja. Jóhannes Baldvin Jónsson landnýtingarfræðingur er vörustjóri sáðvöru og hefur um árabil leitt vöruþróun og vöruval Líflands á þessu sviði.
Starfsfólk Líflands er boðið og búið að veita þér faglega ráðgjöf um val á réttu sáðvörunni. Lífland býður gæðavöru á góðu verði og leitast við að tryggja skjóta og skilvirka þjónustu þegar sáðvélarnar þurfa að komast hratt yfir.
Nýjungar í sáðvöruúrvali Líflands 2021
Sexraða bygg HERMANNI
Nýtt finnskt yrki sem hefur komið vel út í hérlendum tilraunum. Gaf hæstu þurrefnisuppskeru á hektara á Hvanneyri 2021. Þolir súran jarðveg.
Sexraða bygg SMYRILL
Hinn íslenskættaði Smyrill hefur stimplað sig vel inn og komið vel út hjá bændum víða um land.
Hafrar PERTTU
Hafrayrkið Perttu gaf áhugaverðar niðurstöður í tilraunum LBHÍ sumarið 2020 og margt bendir til þess að hér sé góður valkostur fyrir þá sem vilja rækta hafra til kornþroska.
Iðnaðarhampur FINOLA
Með lögleiðingu á ræktun iðnaðarhamps hefur vaknað heilmikill áhugi á hagnýtingu hans og úrvinnslu. Hjá Líflandi fæst finnska yrkið FINOLA sem er auðugt af CBD olíu og getur hugsanlega þroskað fræ í góðum árum. Fræið má nýta til mann- og dýraeldis.
Finnlandsblanda
Ný grasfræblanda samanstendur af finnskum vallarfoxyrkjum sem hafa gefið góða raun í íslenskum tilraunum (90%) og vallarrýgresi (10%).
Forsmitað smárafræ
Í vor bjóðum við m.a. upp á smithúðað smárafræ (niturbindandi Rhizobium gerlar), sem sparar þér handtökin og þú sleppur við að smita fræið sérstaklega.
Kynntu þér landsins mesta úrval af sáðvöru í nýjum og efnismiklum sáðvörulista Líflands fyrir árið 2021.
Sölumenn okkar gera þér tilboð og ráðleggja þér með val á réttu sáðvörunni í s. 540-1100 eða í sala@lifland.is