Rúsínur eru holl og góð fæða fyrir villta garðfugla. Skógarþrestir og svartþrestir eru einkar sólgnir í þær en fleiri tegundir þiggja þær þegar þær bjóðast og þær eru kjörnar til að gera fuglana að fastagestum í garðinum.

Heilt ómalað hveitikorn er vinsælt hjá snjótittlingum og auðnutittlingum. Aðrir garðfuglar éta það gjarnan uppbleytt eða soðið. Hentar líka fyrir hænsni, gæsir og endur. 

Sólblómafrækjarnar eru úrvals fóður fyrir smáfuglana. Einkar vinsælir hjá auðnutittlingum og öðrum finkutegundum og þrestir og starar taka einnig vel í þá. 

Hampfræ er holl fæða fyrir smáfugla enda mjög orkuríkt og inniheldur hátt hlutfall lífsnauðsynlegra Omega fitusýra. 

Kókoshnetuskel með tólg og mismunandi innihaldi: jarðhnetur, sólblómafræ, mjölormar eða rúsínur. Orkurík og skrautleg fæða fyrir smáfuglana.