Sandy hafrar eru seinsprottnir hafrar sem henta vel til sláttar. Sandy er mikið ræktað hafrayrki í Finnlandi, og þá til þroska, en m.v. vaxtartíma ætti yrkið að henta vel til sláttar hér á landi. Sandy þykir þurrkþolið og laust við sjúkdóma. Einnig hentar það fjölbreyttum jarðvegsgerðum. Sé það ræktað til þroska gefur það bæði af sér fóðurhafra sem og hafra til manneldis, en tekið er fram að við íslenskar aðstæður þyrfti það mjög langan vaxtartíma. Sandy er nokkuð hávaxið, sennilega um 7 cm hærra en Belinda að jafnaði í finnskum tilraunum. 

Hafrar eru heldur seinni til kornþroska en bygg, almennt nægjusamari á köfnunarefnisáburð, þolnari á súran jarðveg og þurrkþolnir. Hafrar geta gefið góða uppskeru og eru prýðilegt kjarnfóður fyrir skepnur. Auðveldast er að láta hafra ná þroska á sandjörð. Fuglar láta hafra frekar í friði en bygg og þeir eru almennt þolgóðir í haustveðrum. Hafrar henta vel sem skjólsáning en líka er sniðugt að sá þeim með ertum. Sumarhafrar hafa reynst vel til grænfóðurræktar í þurrum sumrum þar sem þeir eru þurrkþolnari en rýgresi.

Ráðlagt sáðmagn 200 kg/ha.

Sandy fæst í 700 kg stórsekkjum. 

Meira um ræktun hafra. 

Þessi vara er ekki til sölu í vefverslun en pantanir og fyrirspurnir berist til söludeildar í s. 540-1100 eða sadvara@lifland.is