Skurðdælur er hægt að nota þegar dýr komast ekki ofaní skurði til að drekka eða þegar skurður, lækur eða vatn er utan girðingar. Þessar pumpur dæla allt að 7 metra upp og 70 metra lengd og eru sjálfvirkar, ss þurfa ekki rafmagn því að dýrið pumpar sjálft. Hentar vel fyrir hesta og nautgripi. Annar 10-15 dýrum.

Skál dælunnar hallar afturábak, frá dýrinu. Þegar dælan er fyrst sett upp skal pumpa vatni upp í skálina. Til að ná í vatnið aftast í skálinni þarf dýrið að ýta pumpunni afturábak. Við þetta er dýrið að pumpa næsta skammti upp í skálina. Einnig er tryggt að þegar dýrið hættir að drekka er vatn í skálinni til að hvetja næsta dýr til að ýta á pumpuna. Dýrin eru fljót að læra á dæluna þar sem að hvatinn til að ýta á pumpuna er til staðar.

Slangan má liggja lárétt eða lóðrétt ofan í skurði/vatni til að sjúga upp í dæluna. Slangan þarf að vera 1" breið og fylgir ekki með í kaupunum. Mikilvægt er að ganga þannig frá endanum að hann bæði liggi örugglega ofan í vatninu og eins að gróður og botnset stífli ekki slönguna. Hægt er að taka dæluna í sundur og þrífa set úr ventlinum ef þörf er á.

Dælan þarf hvorki sólarljós, rafmagn né vatnsafl til að dæla. Dýrið pumpar vatninu sjálft.

Aukahlutir seldir sér: 
Einstreymisloki: AK22422