Lífland hefur gert samstarfssamning við Knattspyrnufélag Árborgar. Með undirritun samningsins mun Lífland styðja við það blómlega starf sem knattspyrnudeildin heldur úti.
Árborg mun nýta framlagið í uppbyggingu á rekstri félagsins hvað aðbúnað og fagmennsku varðar fyrir unga leikmenn til að eflast sem knattspyrnumenn. Heimaleikir liðsins á Selfossi verða næstu tvö árin í boði Líflands og munu báðir aðilar leitast eftir að gera samstarfið sem árangursríkast á allan hátt. Leikmenn liðsins og þjálfarar munu spila í keppnistreyjum með vörumerki Líflands.
Lífland opnaði síðastliðið haust verslun á Selfossi sem hefur fengið góðar viðtökur bæjarbúa og íbúa í nærsveitum.
Á myndinni hér fyrir neðan má sjá (f.v.) Arnar Þórisson forstjóra Líflands og Þórarinn Smára Thorlacius frá Knattspyrnufélaginu Árborg fyrir utan verslun Líflands á Selfossi við undirritun samningsins í dag.