Vetrarrepja FONTAN

FONTAN er vetrarrepjuyrki (Brassica napus) frá Þýskalandi. Yrkið er svokallað 00-yrki, sem þýðir að það er kynbætt til að innihalda sáralítið af erúkusýru og glúkósínólötum (beiskjuefnum). Þetta gerir plöntuna mun lystugri fyrir búpening og tryggir að hún hafi ekki neikvæð áhrif á bragðgæði mjólkur eða kjöts.

Hagnýtir eiginleikar og ræktun:

• Fóðurgæði og nýting: FONTAN einkennist af miklum blaðvexti og safakenndum stöngli. Hátt orku- og próteininnihald gerir yrkið kjörið til að viðhalda nyt og holdum þegar hefðbundin beit fer að rýrna. Hentar jafnt til randbeitar, haustbeitar eða votverkunar.

• Vöxtur og harðgerði: Yrkið er fljótt til eftir sáningu og myndar þétta þekju sem bæla illgresi og verndar jarðveginn. Það hefur sýnt gott þol gagnvart kulda og hættir ekki til að fara í kynvöxt á sáðárinu, sem tryggir stöðug fóðurgæði fram eftir hausti.

• Jarðvegsbæting: Öflug stólparót yrkisins nær djúpt í jarðveginn, bætir loftun og vinnur gegn jarðvegsþjöppun, sem nýtist næstu ræktunarlotu vel.

Ræktunaröryggi og leiðbeiningar (samkvæmt LbhÍ): Vetrarrepja er mjög áreiðanleg í ræktun hérlendis ef hugað er að lykilatriðum. Sá skal í nýbrotið tún með góðu og hreinu sáðbeði. Hún þrífst best í mýrar- eða moldarríkum jarðvegi en forðast skal sandjörð og þurrk á ungskeiði.

Æskilegur sáðtími er í maí eða byrjun júní. Varast skal að sá of snemma ef hætta er á næturfrosti, þar sem það getur platað jurtina í kynvöxt á sáðárinu, sér í lagi ef hún hefur náð að mynda nokkur blöð þegar frýs.

Ráðlagt sáðmagn: 8–10 kg/ha.

Vaxtardagar: 85–100 (tilbúin í beit á 12–14 vikum).

FONTAN kemur í 10 kg pokum.

Meira um ræktun repju.