Logasmári HEUSERS OSTSAAT

HEUSERS OSTSAAT (2n): Hraðvaxta einær smári til grænfóðurræktar og jarðvegsbætingar

HEUSERS OSTSAAT (2n) er úrvalsyrki af logasmára (Trifolium incarnatum) frá Þýskalandi. Logasmári er einær belgjurt sem einkennist af kröftugum vexti og fallegum skærrauðum blómum. Þótt tegundin hafi ekki verið mikið ræktuð hérlendis, hafa óformlegar prófanir sýnt að hún þrífst ágætlega og nýtist vel í grænfóðurrækt.

Hagnýtir eiginleikar og ræktun:

• Vöxtur og fóðurgæði: Logasmári er einær og afar fljótur að spíra og ná þekju. Hann hentar því í blöndur með t.d. sumarhöfrum eða vetrarrýgresi. Yrkið gefur lystugt og próteinríkt fóður sem má nýta bæði með slætti og beit.

• Jarðvegsbæting: HEUSERS OSTSAAT myndar öflugt rótarkerfi sem nær niður á allt að 90 cm dýpi. Þetta eykur loftun jarðvegs og vinnur gegn þjöppun. Sem forræktun eða grænáburður skilur hann jarðveginn eftir í betra ástandi fyrir næstu ræktunarlotu.

• Niturbinding: Líkt og aðrir smárar bindur logasmári köfnunarefni úr andrúmsloftinu. Fræið er ósmitað og því er nauðsynlegt að nota bakteríusmit fyrir sáningu til að tryggja að samlífið við rótargerlana virki sem skyldi.

• Jarðvegskröfur: Tegundin er lítt kröfuhörð og þolir léttsúran jarðveg betur en margar aðrar belgjurtategundir, svo lengi sem kalkinnihald jarðvegsins er nægjanlegt.

Ráðgjöf: Vegna þess hve hraðvaxta hann er, nýtist logasmári til að fylla upp í eyður og bæla illgresi í grænfóðurakri. Mælt er með a.m.k. 5–6 ára bili á milli ræktunar á sömu spildu til að lágmarka hættu á jarðvegssjúkdómum sem herjað geta á logasmára. 

Ráðlagt sáðmagn: 5–15 kg/ha í blöndur (eða 30–35 kg/ha í hreinrækt skv. erlendum leiðbeiningum).

Fæst í 10 og 25 kg pokum.