Sumarrýgresi MELJUMP (4n) 25 kg

MELJUMP: Uppskerumikið sumarrýgresi til grænfóðurræktar

MELJUMP er sumareinært rýgresi sem hentar vel þar sem krafist er mikils vaxtarhraða og snemmbærrar uppskeru. Ólíkt vetrareinæru rýgresi (var. italicum) skríður sumarrýgresið á sáðári og vegna hraðs vaxtar þarf að huga snemma að nýtingu til að halda fóðrunarvirði þess. MELJUMP er afrakstur markvissra kynbóta þar sem áhersla var lögð á góða heildaruppskeru og stöðugleika í ræktun.

Hagnýtir eiginleikar og ræktun:

• Hraðsprottið og uppskerumikið: MELJUMP sprettur eftir sáningu og gefur jafnan góða uppskeru í fyrsta slætti. Það hefur einnig sýnt hæfni til endurvaxtar, sem gerir fleiri en eina nýtingu mögulega ef aðstæður leyfa.

• Heilbrigði og styrkur: MELJUMP er talið hafa gott þol gegn ryðsveppum og með ágætt leguþol miðað við tegund. Mikilvægt er þó að nýta rýgresi áður en það leggst í legu. 

• Nýting og fóðurgildi: MELJUMP gefur orkuríkt og lystugt fóður. Vegna þess hve hratt það vex og skríður er lykilatriði í ræktuninni að fylgjast vel með þroska og nýta sprettuna áður en fóðrunarvirðið fellur við skrið.

• Sveigjanleiki: MELJUMP hentar til ræktunar í hreinrækt sem grænfóður, en getur einnig nýst sem skjólsáð með túngrösum til að tryggja uppskeru á fyrsta ári á meðan varanlegri tegundir festa rætur.

Til að nýta vaxtartímann sem best er mikilvægt að sá MELJUMP strax og jörð er tilbúin að vori. Þetta er lofandi yrki fyrir þá sem vilja hámarka fóðurmagn á einu sumri með kröftugri grænfóðurrækt.

Sumarrýgresi (Lolium multiflorum var. westerwoldicum) er sumareinært og fljótsprottið. Það má nýta til sláttar og beitar. Sumarrýgresi skríður á um 60-80 dögum frá sáningu og mikilvægt er að nýta það áður þar sem meltanleikinn fellur mikið. Sumarrýgresi getur reynst vel þar sem vaxtartíminn er stuttur og gefið meiri upskeru en vetrarrýgresi við slíkar aðstæður.

Ráðlagt sáðmagn 30-40 kg/ha.

Vaxtardagar 60-80.

MELJUMP kemur í 25 kg pokum.

Meira um ræktun á einæru rýgresi.