LÍF 20-12-8+Se - NPK áburður

Þrígildur NPK-áburður sem hentar við fjölbreyttar aðstæður og leggur til ríflegt köfnunarefni, vel nýtanlegan fosfór, hóflegt kalí og selen til að styðja bæði uppskeru og fóðuröryggi. Hentar best í túnrækt og grænfóður á landi þar sem markmiðið er stöðug uppskeruaukning og jarðvegur er ekki kalísnauður, einkum í nýrækt eða viðhaldsgjöf þar sem ekki er mikið notað af búfjáráburði.

Notkunarleiðbeiningar og umfang notkunar

Almenn viðmið um notkun: 500 kg/hektara m.v. N þörf túns í miðlungs rækt og 100 kg þörf N á hektara sem ekki hefur verið áborið með húsdýraáburði. Leitið frekari ráðlegginga um notkun hjá Líflandi eða ráðunautaþjónustu.

Ofangreindar magntölur eru hugsaðar sem viðmið. Mælt er með að gera áburðaráætlun með hliðsjón af jarðvegsgerð, ræktunarsögu, notkun viðbætts húsdýraáburðar, sýrustigi jarðvegs o.fl. til að forðast of- eða vannotkun áburðarefna.

Leitaðu tilboða í LÍF áburð hjá söludeild Líflands eða í verslunum okkar í lifland@lifland.is eða s. 540-1100.

Innihaldsefni: Kalsíum ammóníumnítrat (CAS no. 6484-52-2), díammóníumfosfat (CAS no. 7783-28-0), kalíumklóríð (CAS no. 7447-40-7), ammóníumsúlfat (CAS no. 7783-20-2), natríumselenít (CAS no. 10102-18-8)

Fjölkorna NPK áburður 20-12-8 (5,0-2,5-0,8-0,0020) með brennisteini, kalsíum, magnesíum og seleni

Geymsluskilyrði

Geymist undir þaki eða yfirbreiðslu á köldum og þurrum stað. Undirlag skal vera þurrt og hreint eða sekkir geymdir á vörubrettum.

Áburðurinn er afgreiddur í 600 kg stórsekkjum.