Fara í efni
Vörunúmer: 98005

Túnvingull GONDOLIN 15 kg

GONDOLIN er harðgert og fjölhæft túnvingulsyrki sem einkennist af mikilli aðlögunarhæfni að ólíkum vaxtarskilyrðum. Það myndar þéttan og slitsterkan svörð og sýnir góða þol gegn kulda og raka. Yrkið nýtist best þar sem krafist er seiglu á erfiðum svæðum, hvort sem er í grasflatir eða sem hluti sáðblöndu til að tryggja góða svarðarmyndun við krefjandi aðstæður.

Vara er ekki til sölu

Þessi vara er ekki til sölu í vefverslun. Vinsamlegast hafið samband við sölumann í síma 540-1100 eða með tölvupósti á lifland@lifland.is

GONDOLIN: Seigla og þéttleiki við krefjandi aðstæður

GONDOLIN er danskt túnvingulsyrki sem getur nýtst vel við krefjandi aðstæður þar sem reynir á þol og seiglu. Helsti styrkur þess liggur í kröftugri renglumyndun sem tryggir þéttan svörð og hjálpar til við að binda jarðveg, jafnvel í rýru landi eða þar sem raki í jarðvegi er óstöðugur.

Líkt og önnur túnvingulsyrki er GONDOLIN nægjasamt og þolir vel tímabundna þurrka. Það hefur sýnt gott frostþol og þolir jafnvel standandi vatn á yfirborði yfir vetrartímann betur en mörg önnur túngrös. Þessir eiginleikar gera það að verkum að yrkið getur aukið viðnám og seiglu grasflata á svæðum þar sem hætta er á blettakali eða þar sem aðrar tegundir eiga undir högg að sækja vegna umhverfisálags. 

Vegna mikils slitþols og getu til að mynda þéttan svörð hentar GONDOLIN einkar vel í grasflatir og útivistarsvæði sem verða fyrir miklu álagi. Í beitarhólfum getur það verið góður kostur til að auka þol svarðarins gagnvart þurrki og traðki þar sem umhverfisaðstæður eru krefjandi, þótt hafa beri í huga að lystugleiki túnvinguls sé talsvert minni en annarra fóðurgrasa. 

Sáðmagn og ræktun:

  • Í grasflatir og útivistarsvæði: Algengt er að nota 1–2 kg á hverja 100 m² til að flýta fyrir svarðamyndun og lokun.

  • Í sáðblöndur til fóðrunar: Notað í litlu hlutfalli (t.d. 5–15%) til að bæta seiglu og þétta svörðinn í varanlegum túnum eða beitarhólfum.

  • Með raðsáðvél: Ráðlagt sáðmagn í hreinrækt er 20–30 kg/ha.

GONDOLIN fæst í 10 kg pokum.