Fóðurflækja CANDY 10 kg

CANDY: Niturbindandi fóðurflækja

CANDY er einær fóðurflækja (Vicia sativa) sem getur hentað til grænfóðurræktar og jarðvegsbætingar. Yrkið er flokkað sem meðalseint, sem þýðir að það blómgast seint, er lengi í grænvexti sem getur skilað sér í meiri uppskeru. Sem belgjurt hefur hún þann eiginleika að binda nitur úr andrúmsloftinu (niturnám), sem sparar áburð og bætir næringarástand jarðvegs.

Hagnýtir eiginleikar og ræktun:

• Vöxtur og jarðvegsbæting: CANDY er þróað til að hylja jörð hratt, sem hjálpar til við að bæla illgresi og viðhalda raka. Öflugt rótarkerfið bætir jarðvegsbyggingu og eykur líf í jarðvegi.

• Fóðurgildi: Fóðurflækja er mjög próteinrík og lystug. Hún getur hentað til að auka próteininnihald í heilsæði og grænfóðri.

• Samræktun: Fóðurflækja hefur fremur mjúkan stöngul og klifrar með því að vefja sig um aðrar plöntur. Í hreinrækt leggst hún fljótt í legu, sem getur valdið uppskerutapi. Því er sterklega mælt með að sá CANDY í blöndu með korni (t.d. höfrum, byggi) eða rýgresi. Kornið virkar sem stuðningur sem flækjan klifrar upp eftir, sem tryggir betri loftun, minni jarðvegsmengun og auðveldar slátt.

Almennt um fóðurflækju: Hún gerir ekki miklar kröfur til jarðvegs en þrífst best í rakaheldnum móa- eða moldarjarðvegi. Hún þolir illa þurrk og kulda á ungskeiði, svo vanda þarf til sáningar.

Ráðlagt sáðmagn:

• Í blöndur (algengast): 20–40 kg/ha (blandað við 80–120 kg af korni).

• Í hreinrækt (t.d. sem grænáburður): 100–140 kg/ha.

• CANDY kemur í 10 kg pokum.