Fara í efni
Vörunúmer: 90345

Vor olíunepja SYNTHIA

SYNTHIA er snemmsprottin vornepja (Brassica rapa ssp. oleifera) sem hefur reynst vel á norðlægum slóðum. Yrkið er þekkt fyrir einstaklega sterkan stöngul sem minnkar hættu á legu og auðveldar þreskingu. SYNTHIA er öruggt og afkastamikið yrki sem skilar góðri uppskeru af olíuríku fræi áður en vetrar. Traustur valkostur í olíuræktun.

Vara er ekki til sölu

Þessi vara er ekki til sölu í vefverslun. Vinsamlegast hafið samband við sölumann í síma 540-1100 eða með tölvupósti á lifland@lifland.is

SYNTHIA: Gott yrki með sterkan stöngul

SYNTHIA er vornepja sem hefur verið staðalviðmið í ræktunartilraunum á Norðurlöndum vegna gæða og ræktunaröryggis. Þótt nýrri yrki (eins og SINUHE) séu komin fram, stendur SYNTHIA enn fyrir sínu sem traustur valkostur fyrir íslenska bændur.

Hagnýtir eiginleikar og ræktun:

  • Sterkur stöngull: Einn helsti kostur SYNTHIA er einstakur stöngulstyrkur. Í tilraunum hefur það mælst með einn sterkasta stöngulinn af vornepjuyrkjum, sem dregur verulega úr hættu á legu. Þetta auðveldar þreskingu og minnkar uppskerutap í votviðrasömum haustum.

  • Snemmsprottin: Yrkið er fljótt til þroska og nýtir stuttan vaxtartíma vel. Það eykur líkur á að ná fullþroska fræi og olíu áður en kólnar.

  • Gæði: SYNTHIA skilar uppskeru með háu olíuinnihaldi og lágu hlutfalli blaðgrænu, sem er eftirsóknarvert við vinnslu.

Nýting: Eins og önnur vornepja er SYNTHIA ræktuð til framleiðslu á olíu og próteinríku kjarnfóðri (repjumjöli). Vegna öflugs vaxtar hentar hún einnig vel í sáðskipti til að bæta jarðveg. Nepja þrífst best í moldarríkum jarðvegi sem heldur raka en forðast skal mjög þurrlenda sandjörð.

Ráðlagt sáðmagn: 6–7 kg/ha (eða 1 sáðeining á hektara).

SYNTHIA kemur í u.þ.b. 20 kg pakkningum (samsvarar 3 x 1 ha einingum).

Skýrslan Orkujurt - góð lesning um nepju- og repjuræktun á Íslandi