Karfan er tóm.
ShuDim Hoof packing er ekki ertandi, er sýrulaust og inniheldur engar skaðlegar efnablöndur og má því nota til að meðhöndla sár í hófum.
ShuDim efnið samanstendur af tveimur jafn stórum dósum/fötum. Blanda þarf efnin saman í höndunum til helminga til að fá rétta útkomu. Efnið smitar ekki útfrá sér og hægt er að grípa strax til járningaverkfæra án þess að þvo sér eða nota hanska. Nauðsynlegt er að nota botna við járningu með ShuDim efninu.
Gott er að máta annað efnið í hálfan hófinn (sem búið er að vinna undir járningu) og taka svo jafn mikið af hinu og blanda saman, þannig fer sem minnst til spillis. Gott er að hafa í huga að fjórum mínútum eftir að efnin snertast byrja þau að harðna saman (tekur lengri tíma ef kalt er í járningaaðstöðunni).
Efnið er afar drjúgt, sérlega auðvelt í vinnslu og fæst í 2x660ml eða 2x2500ml einingum.
Bláa efnið er mjög mjúkt (Shore A15)
Bleika efnið er mjúkt (Shore A25)
Græna efnið er millimjúkt (Shore A35)