Karfan er tóm.
Blesa er íslenskur hestur í venjulegum íslenskum haga sem vorkennir sjálfri sér agalega mikið. Hún er komin með upp í kok af að éta sama gula grasið alla daga og henni leiðist ógurlega mikið. Blesa er algjörlega sannfærð um að grænna gras sé að finna annars staðar. Týri, vinur hennar, er orðinn þreyttur á að hlusta á volið í Blesu, tekur til sinna ráða og rekur hana af stað í leiðangur.
Blesa ferðast um allt land, kynnist alls konar dýrum og heimsækir spennandi staði. En eftir því sem líður á ferðalagið fer hún að velta fyrir sér hvort hún sé mögulega að leita langt yfir skammt. Kannski var grasið ekki svo slæmt í haganum heima þrátt fyrir allt?
Blesa er eftir Láru Garðarsdóttur sem einnig teiknar myndirnar í bókinni.