Föstudaginn 11. desember opnaði  Lífland verslun á nýjum stað í Borgarnesi, við Digranesgötu 6.

Ekki var annað að sjá en að Borgfirðingar tækju þessari nýju verslun vel og  gaman að sjá hve margir kíktu við á opnunardaginn.
Í nýju versluninni verður boðið upp á sömu góðu þjónustuna en þó mun vöruúrval aukast til muna. Má þar nefna aukið úrval af útivistarfatnaði bæði fyrir börn og fullorðna frá þekktum merkjum eins og Kari Traa, Reima, Kidka, Tenson og fleirum  en einnig hefur búrekstrarvöru, bætiefnum og fóðri verið gert hærra undir höfði með auknu plássi, bættu aðgengi og meira úrvali.

Ekki má svo gleyma gæludýrunum því í Líflandi færðu hágæða fóður frá Arion fyrir hunda og ketti ásamt góðu úrvali af gæludýravörum.

Við hlökkum til að sjá ykkur yfir aðventuna á nýjum stað.

Starfsfólk Líflands Borgarnesi.