Fara í efni
Vörunúmer: 98165

Strandreyr BAMSE F 10 kg

BAMSE F er kröftugt og fjölært strandreyrsyrki sem getur skilar miklum lífmassa við íslenskar aðstæður. Tegundin er aðallega ræktuð vegna hálmsins, til dæmis til undirburðar eða orkuvinnslu, en getur einnig nýst sem trefjaríkt fóður. Strandreyr er mjög rótskriðull og fljótur að fylla í eyður, sem gerir það að verkum að hann endist hæglega í 15–20 ár í túnum áður en endurræktunar er þörf. 

Vara er ekki til sölu

Þessi vara er ekki til sölu í vefverslun. Vinsamlegast hafið samband við sölumann í síma 540-1100 eða með tölvupósti á lifland@lifland.is

BAMSE F: Kröftugt hálm- og fóðurgras

Ræktun og jarðvegur BAMSE F þrífst best í frjósömum, loftríkum og rakaheldnum jarðvegi. Tegundin þolir vel að fara undir flóðvatn en hentar síður þar sem grunnvatnsstaða er viðvarandi of há eða í mjög súrum og ófrjósömum jarðvegi. Við íslenskar aðstæður getur strandreyr gefið mikla þurrefnisuppskeru, eða allt að 30 stórar rúllur á hektara.

Þroski og nýting Ekki er ráðlegt að reikna með hálmuppskeru fyrstu tvö árin á meðan plantan er að festa sig í sessi. Á þeim tíma má þó slá hann til votverkunar, en þannig fæst ágætt fóður fyrir geldneyti eða hross. Til að flýta fyrir þroska og efla svörðinn er gott að slá túngrasið með ruddasláttuvél að hausti fyrstu árin og láta afraksturinn liggja sem áburð. Á þriðja til fjórða ári nær BAMSE F gjarnan um 130–200 sm hæð og þá má hefja reglulegan hálmskurð.

Hálmskurður og fóðrunarvirði Best er að geyma hálmskurðinn eins lengi fram eftir hausti og unnt er, eða þar til stöngullinn hefur gulnað og þornað. Einnig getur gefið góða raun að láta hann standa yfir veturinn og slá snemma á vorin áður en vöxtur hefst; þannig brýtur hálmurinn sig betur sem eykur gæði hans til undirburðar eða brennslu.

Auk hefðbundinnar hálmframleiðslu hefur reynslan sýnt að strandreyr getur nýst vel sem vetrarfóður fyrir hross ef hann er sleginn um skrið og verkaður sem annað gróffóður. Slíkar tilraunir lofa góðu hvað varðar fóðrunarvirði og nýtanleika.

 Ráðlagt sáðmagn 15-20 kg/ha

Áhugaverð íslensk myndbönd sem sýna nýtingu strandreys: 

 

Almennar ræktunarleiðbeiningar fyrir strandreyr

Jarðvegskröfur og undirbúningur Strandreyr krefst vandaðs undirbúnings þar sem hann er lengi að festa sig í sessi. Landið þarf að vera vel framræst þannig að loft komist að rótum, þótt plöntunni sé tamt að nýta sér jarðvegsraka. Mikilvægt er að kalka súran jarðveg fyrir sáningu þar sem tegundin þrífst illa ef sýrustig (pH) er lágt. Bestur árangur næst í frjósömum moldar- eða mómoldarjarðvegi.

Sáning og fræbeð Vanda skal jarðvinnslu þannig að sáðbeðið sé mjög slétt, fínunnið og þétt. Vegna þess hve smágerð kímplantan er í upphafi, er ekki gott ef mikið er um moldarköggla og holrúm í yfirborði.

  • Sáðtími: Best er að sá að vori eða snemma sumars þegar jarðvegshiti hefur náð stöðugleika.

  • Aðferð: Sá skal grunnt (um 1 sm). Best er að sá í yfirborð og nota valtara strax í kjölfarið til að tryggja góð tengsl fræsins við jarðvegsraka.

Sáðmagn

  • Hreinrækt: 15–20 kg/ha.

  • Sáðblöndur: Ef strandreyr er notaður með öðrum tegundum er hlutfall hans lækkað til samræmis, en vegna hægs vaxtar á kímplöntustigi er hann oftast ræktaður í hreinrækt þar sem ætlunin er að nýta hann til hálmframleiðslu.

Viðhald á kímplöntustigi Fylgjast þarf vel með illgresi á sáðárinu þar sem strandreyr lokar sverðinum hægt fyrsta sumarið. Hófleg köfnunarefnisgjöf á sáðári styður við rótarvöxt án þess að örva samkeppnisillgresi um of.