Karfan er tóm.
Vörunúmer:
90234
Vallarrýgresi RIIKKA (2n) 15 kg
RIIKKA er tvílitna (2n) vallarrýgresi frá finnska kynbótafyrirtækinu Boreal. Yrkið býr yfir auknu vetrarþoli miðað við mörg önnur rýgresisyrki. Það skilar hóflegri uppskeru en ferlitna yrki á borð við SW Birger, en getur reynst endingarbetra þegar fram líða stundir. RIIKKA getur gefur góða raun í hreinrækt þar sem óskað er eftir meiri stöðugleika.
Vara er ekki til sölu
Þessi vara er ekki til sölu í vefverslun. Vinsamlegast hafið samband við sölumann í síma 540-1100 eða með tölvupósti á lifland@lifland.is
RIIKKA: Vetrarþolið og tvílitna vallarrýgresi
RIIKKA er tvílitna (2n) vallarrýgresi (Lolium perenne) frá Finnlandi. Vallarrýgresi er þekkt fyrir að gefa lystugt og orkuríkt fóður en takmarkast oft af rýru vetrarþoli hérlendis. RIIKKA er afrakstur finnskra kynbóta þar sem áhersla var lögð á vetrarþol umfram annað. Yrkið á því meiri möguleika á að jafna sig eftir íslenska vetur og getur hentað þar sem stefnt er að lengri nýtingartíma.
Hagnýtir eiginleikar og ræktun:
-
Vetrarþol og ending: Samkvæmt rannsóknum hefur RIIKKA sýnt aukna hæfni til að lifa af vetur og hefja vöxt að vori. Uppskera á fyrsta ári kann að vera minni en hjá ferlitna yrkjum eins og SW Birger, en í staðinn aukast líkurnar á þolanlegri endingu milli ára í mildari sveitum.
-
Uppskera og fóðurgæði: Tvílitna vallarrýgresi er aðeins fínlegra en ferlitna og hefur gjarnan hærra þurrefnishlutfall, sem getur auðveldað þurrkun og verkun á velli. Uppskeran er lystug ef slegið er eða beitt áður en grasið fer í skrið.
-
Ræktun og sáðmagn: Yrkið hentar vel til hreinræktar en þrífst best í vel framræstum jarðvegi. Tvílitna fræ er smærra um sig en ferlitna fræ og því dugar aðeins minna sáðmagn í kílóum talið til að ná fram þéttum sverði.
Ráðlagt sáðmagn í hreinrækt: 25-35 kg/ha.
RIIKKA kemur í 15 kg pokum.