Fara í efni
Vörunúmer: 90018

Finnlandsblanda 20 kg

Finnlandsblanda er grasfræblanda til túnræktar samsett úr harðgerðum finnskum yrkjum sem sameina gott vetrarþol og uppskerugetu. Blandan hentar jafnt til sláttar sem beitar og gefur trausta uppskeru í fyrri slætti auk góðs endurvaxtar. Vallarrýgresið í blöndunni flýtir fyrir svarðarmyndun og eykur seiglu túnsins á krefjandi ræktunarsvæðum.

Vara er ekki til sölu

Þessi vara er ekki til sölu í vefverslun. Vinsamlegast hafið samband við sölumann í síma 540-1100 eða með tölvupósti á lifland@lifland.is

Finnlandsblanda: Harðgerð og fjölhæf blanda fyrir íslenskar aðstæður

Finnlandsblanda er sérstaklega samsett með þarfir bænda á norðlægum slóðum í huga. Hún byggir á þremur úrvalsyrkjum af vallarfoxgrasi frá Finnlandi – Uula, Rubinia og Hertta – sem öll hafa sýnt góða endingu í íslenskum yrkjaprófunum. Þessi yrki tryggja stöðuga og mikla uppskeru í fyrri slætti og viðhalda háu fóðurgildi fram að skriði.

Til að auka fjölhæfni blöndunnar inniheldur hún 10% af Riikka vallarrýgresi. Riikka er tvílitna (2n) og fremur fínlegt, en það hefur sýnt meira vetrarþol en mörg önnur rýgresisyrki. Hlutverk þess í blöndunni er að flýta fyrir því að svörðurinn lokist á sáðárinu, auka lystugleika fóðursins og bæta háarsprettuna (endurvöxtinn) síðsumars.

Þessi samsetning gerir Finnlandsblönduna að áreiðanlegum kosti í tún sem ætluð eru til blandaðrar nýtingar. Tegundir í blöndunni nýta vaxtartímann vel til forðasöfnunar í stöngulhnýði foxgrassins, sem er lykilatriði fyrir endingu og viðnám gegn kalskemmdum. Hún hentar best í frjósaman og vel framræstan jarðveg þar sem kröfur eru gerðar um öryggi og gæði.

Innihald:

  • Vallarfoxgras: Uula (31,5%), Rubinia (31,5%), Hertta (27%)

  • Vallarrýgresi: Riikka (10%)

Ráðlagt sáðmagn: 25–30 kg/ha.

Finnlandsblanda fæst í 20 kg pokum.