Lífland og Landsmót hestamanna undirrituðu á dögunum samning um samstarf á Landsmóti hestamanna sem fram fer í Víðidal 1.-7. júlí núna í ár. Lífland mun vera með sem fyrr verslun á markaðssvæði Landsmóts með frábæru vöruvali og auk þess styrkja mótshaldið með ýmsum hætti. Landsmótið er mikil uppskeruhátíð og hápunktur hestaíþróttarinnar annað hvert ár. Lífland hefur verið styrktaraðili Landssambands hestamannafélaga og Landsmóts hestamanna um árabil, og einn aðalstyrktaraðili síðustu Landsmóta.
Á myndinni sjást Arnar Þórisson forstjóri Líflands og Hjörtur Bergstað formaður stjórnar Landsmóts hestamanna handsala áframhaldandi samstarfssamning.