Lengi býr að fyrstu gerð! Afsláttartilboð af kálfavörum hjá Líflandi.
Hjá Líflandi færðu gott úrval af bætiefnum og öðrum hjálparvörum til að búa vel að ungkálfum! Við bjóðum 15%-25% afslátt af bætiefnum og ýmsum hjálparvörum fyrir kálfa á Kálfadögum í verslunum okkar sem og vefverslun 14.-20 mars.
Rannsóknir benda til að ákveðnir meðfæddir erfðaeiginleikar bælist eða komi ekki fram ef illa er staðið að fóðrun og umhirðu kálfa. Þannig getur t.d. ung kvíga haft erfðafræðilega eiginleika til að verða nythá gæðakýr en með röngum aðbúnaði geta þeir eiginleikar orðið undir. Þættir eins og þroski vambartota, myndun júgurvefs, uppbygging ónæmiskerfis og fleira á sér stað á fyrstu vikum í æviskeiði hvers kálfs og því borgar sig að huga vel að upprennandi afurðagripum í byrjun.
Broddmjólk er mikilvæg næringaruppspretta fyrir nýborinn kálf, en hún leikur ekki minna hlutverk í uppbyggingu ónæmiskerfis. Mikilvægt er að kálfur fái broddmjólk innan 24 tíma frá burði og helst innan 6 tíma. Kálfur þarf brodd sem nemur 10% af lífþunga sínum við burð. Ef broddur er óaðgengilegur, lítill eða af lökum gæðum er MILKSHAKE POWER COLOSTRUM broddurinn kjörinn til að að leggja til þá viðbót sem til þarf!
Öflugt ónæmissvar og heilbrigð örveruflóra spila stóra rullu við að draga úr vanhöldum og vanþrifum vegna örveruálags í umhverfi kálfsins, sem geta t.d. valdið skitu. CALF AID þykknistúpurnar henta vel til gjafar strax við burð, en eins fyrir kálfa sem eru að jafna sig á skitu. Probicol-K túpurnar gera svipað gagn, en innihalda jafnframt lifandi góðgerla og eru kjörnar til að styrkja kálfa sé t.d. grunur um ónóg broddgæði þrátt fyrir nægt magn brodds.
Skita er algengur kvilli í ungum kálfum og best er að draga úr líkum á henni með fyrirbyggjandi aðgerðum eftir því sem framast er unnt. Ef þau lukkast ekki þá hefur Rediar kálfadrykkur verið mjög vinsæll meðal viðskiptavina okkar og frásagnir af góðum árangri með notkun Rediar eru óteljandi í gegnum árin. Rediar myndar hlaup sem bindur innihald þarmanna, en styður jafnframt við örveruflóru og vinnur gegn ofþornun. Í sumum tilfellum getur líka gagnast að grípa inn í með lyfjakolum sem frásoga eiturefni sem óæskilegar örverur mynda. VASIKAN kola-gelið er gelþykkni með lyfjakolum og rafvökum (söltum) sem vinna hjálpa til við að koma jafnvægi á vökvabúskap og stemma þarmainnihaldið.
Mikilvægt er að byggja upp góða átlyst hjá ungum kálfum. Kálfamúslí er blanda af smáum kjarnfóðurkögglum og völsuðu, ilmríku kornmeti. Það er til þess fallið að vekja áhuga kálfa, límist við granir og hefur sætubragð. Múslíið hefur jákvæð áhrif á þroska vambartota og flýtir fyrir því að kálfar komist upp á lagið með gróffóðurát. Kálfamúslí fæst í 20 kg sekkjum.
Mikilvægt er að tryggja kálfum gott undirlag, t.d. þurran hálm eða gúmmímottur sem einangra þá frá köldum steinbitum eða köldum gólfum. Þetta á einkum við um yngstu kálfana. Ábreiður fyrir kálfa hafa átt auknum vinsældum að fagna, en þeir eru einkum notaðir fyrstu vikurnar eftir burð. Eins eru dæmi um að legusvæði kálfa séu með lágreistri þekju og hitalampa sem heldur á þeim hita. Hlýr og þurr kálfur á auðveldara með að verjast smitum.
Þetta og margt fleira á tilboði á Kálfadögum í Líflandi! Sjón er sögu ríkari.