Fara í efni
Vörunúmer: 90000

Grasfræblanda K 15 kg

Grasfræblanda K er klassísk og gamalreynd túnblanda sem hefur um árabil verið undirstaða í íslenskri fóðurframleiðslu. Hún samanstendur af harðgerðum yrkjum vallarfoxgrass og vallarsveifgrasi sem tryggir þéttan svörð og góða endingu. Blandan hentar til fjölbreyttrar nýtingar og nýtist jafnt til sláttar sem beitar við fjölbreyttar ræktunaraðstæður um allt land.

Vara er ekki til sölu

Þessi vara er ekki til sölu í vefverslun. Vinsamlegast hafið samband við sölumann í síma 540-1100 eða með tölvupósti á lifland@lifland.is

Grasfræblanda K: Klassísk íslensk túnblanda

Grasfræblanda K hefur verið meðal vinsælustu grasfræblanda í úrvali Líflands. Lykillinn að áreiðanleika hennar er hátt hlutfall af Snorra (45%), sem er eitt harðgerðasta vallarfoxgrasyrkið sem völ er á. Snorri tryggir hámarks vetrarþol og stöðugleika, sérstaklega á svæðum þar sem hætta er á kalskemmdum.

Öryggi og svarðarmyndun Til að samþætta öryggi og uppskerugetu inniheldur blandan einnig finnska yrkið Tryggve og hið sænska Rakel. Tryggve styrkir vetrarþolið enn frekar á meðan Rakel eykur vaxtarþrótt og bætir endurvöxt (háaruppskeru), sem gerir blönduna hentuga fyrir tvo slætti þar sem aðstæður leyfa.

Sérstaða Grasfræblöndu K liggur þó ekki síst í 15% hlutfalli af Kupol vallarsveifgrasi. Vallarsveifgrasið er mikilvægt undirstöðugras sem myndar þéttan svörð með neðanjarðarrenglum. Það er sérstaklega duglegt að loka yfirborði og fylla í eyður sem kunna að myndast, sem eykur seiglu túnsins gegn traðki og ágangi. Þessi samsetning gerir blönduna að traustum kosti í tún þar sem lögð er áhersla á endingu og góða nýtingu.

Innihald:

  • Vallarfoxgras: Snorri (45%), Rakel (25%), Tryggve (15%)

  • Vallarsveifgras: Kupol (15%)

Ráðlagt sáðmagn: 25–30 kg/ha.

Grasfræblanda K fæst í 15 kg pokum.