Ágætu viðskiptavinir.
Frá og með miðvikudeginum 10. júní mun allt kúa-, kálfa-, hesta-, svína og sauðfjárfóður verða framleitt í 4,5 mm kögglastærð í fóðurverksmiðju okkar að Grundartanga í stað 6 mm eins og verið hefur.
Þetta er liður í því auka kögglagæði kjarnfóðursins sem við framleiðum en rannsóknir hafa sýnt að með því að hafa kögglastærðina 4,5 mm megi ná meiri herslu og þéttni í þá sem eykur gæði og endingu vörunnar.
Gera má ráð fyrir að það taki 7-10 daga að tæma núverandi birgðageymslur af 6 mm fóðri og því gæti tekið þann sama tíma að fá 4,5 mm fóður afhent en það fer eftir tegundum.
Við hvetjum ykkur til að fylgjast vel með þessari breytingu með okkur og endurstilla skammtara í sjálfvirkum fóðurkerfum við næstu sendingu á fóðri.
Mikki, fóðurafgreiðslustjórinn okkar, mun minna ykkur á þessa breytingu á næstu vikum þegar þið leggið inn pöntun.
Við hvetjum ykkur til að hafa samband við söluráðgjafa okkar í síma 540-1100 eða á netfangið fodur@lifland.is ef einhverjar spurningar vakna um leið og við óskum ykkur góðs gengis við bústörfin í sumar.
Sumarkveðjur
Starfsfólk Líflands