Bakteríusmit f. ertur/baunir/flækjur

Ertu- og baunaplöntur geta bundið köfnunarefni úr andrúmslofti með hjálp bakteríu af stofninum Rhizobium. Með bakteríusmiti er hægt að minnka þörfina á köfunarefnisgjöf töluvert. 

Einn 100g poki af bakteríusmiti dugir til smitunar á 100 kg af ertu- eða baunafræi.

Leiðbeiningar um smitun ertu- og baunafræs: 
Þegar sá á fræinu, skal blanda innihaldi pokans í um 2-3 lítra af mjólk/vatni á poka. Eftir að hrært er, er vökvanum sem inniheldur bakteríurnar dreift yfir fræið og blandað vel saman þannig að hvert fræ verði rakt, t.d. í vel hreinsaðri steypuhrærivél eða múrbala. Smitun skal framkvæmd stuttu fyrir sáningu, og ber að forðast að fræið hitni eða verði fyrir beinu sólarljósi þar sem bakteríurnar deyja auðveldlega ef þornar.

Æskilegt er að sá smituðu fræi strax, helst í skýjuðu veðri og valta strax á eftir.

Geyma skal smitað fræ í kæli verði einhver bið á dreifingu. Smitið þarf einnig að geymast í kæli og skal forða því frá sólarljósi.

Þessi vara er ekki til sölu í vefverslun en pantanir og fyrirspurnir berist til söludeildar í s. 540-1100 eða sadvara@lifland.is