Kalksaltsteinn með og án hvítlauks

Saltið í Kalksalti kemur frá fiskverkunum. Til að halda kolefnissporinu í lágmarki og sækja ekki vatnið yfir lækinn, er saltið oftar en ekki sótt í fiskverkanir á Vestfjörðum og stundum ekki lengra en 30 metra. Eldri bændur þekkja vel gæðin sem felast í salti sem hefur komist í návígi við fisk, því saltið dregur í sig prótein, vítamín og snefilefni frá fisknum sem hefur svo góð áhrif á kýr, kindur og hesta. Sérstaða kalksalts felst í þessu góða salti sem ekkert af innfluttu vörunum getur skákað.

Kalkþörungarnir sem varan dregur nafn sitt af, koma frá Kalkþörungaverksmiðjunni á Bíldudal. Kalk hefur góð áhrif á vöxt beina, tanna, ullar og felds. Kúabændur sem nota kalksalt hafa einnig talað um að frumutala hafi lækkað og fita hækkað hjá kúnum eftir að þeir fóru að gefa kalksalt.

• Kalksaltið er steypt í melassa, sem gerir það afar lystugt. Að auki eru í því selen, A vítamín, E vítamín og D3.
• Kalksaltsteinn fæst í 2 x 1,8 kg pakka og sem 7,5 kg steinn. Báðar gerðir passa í alla venjulega saltsteinahaldara. 
• 7,5 kg steinninn fæst jafnframt með viðbættum hvítlauk.