09.12.2020
Hreindýrin í Húsdýragarðinum fá aðventuglaðning
Hreindýrin í Fjölskyldu- og húsdýragarðinum í Reykjavík fengu á dögunum aðventuglaðning alla leið frá Finnlandi en eins og þekkt er eru Finnar, eða öllu heldir finnskir Samar, sennilega fremstir meðal jafningja í hreindýrabúskap í veröldinni.
Lífland leggur dýrum garðsins til kjarngóðan fóðurbæti og tilheyrandi bætiefni en Lífland flytur nú sérstaklega inn finnskt kjarnfóður og bætiefnastampa fyrir hreindýr, sem ætlað er að styðja við heilbrigði hreindýranna sem þurfa nokkuð sérhæft fóður.
Það er von okkar hjá Líflandi að finnska fóðrið mælist vel fyrir og að hreindýrin dafni vel í vetur og þó sérstaklega í aðdraganda jóla. Á myndunum má sjá tarfinn Tind og hreinkýrnar Regínu og Hallveigu gæða sér á nýja kjarnfóðrinu frá Finnlandi. Eins og sjá má á myndunum var Tindur nýlega búinn að fella hornin eftir fengitíðina.
