Próteinríka Kornax hveitið inniheldur 13% prótein og er hveitið því mjög vel fallið til brauðbaksturs, hvort sem er á hefðbundinn hátt eða í brauðvél. Í gæðaprófunum er ætíð fylgst með styrk glútensins og að ensímvirknin í mjölinu sé hæfileg til að hámarka baksturseiginleika hveitisins.

Próteinríka Kornax hveitið er fyrirtaks hráefni til að baka úr pizzubotna og ítölsk brauð, sér í lagi gróf brauð. Það má einnig nota til hvers konar matseldar, t.d. í sósur, til að hjúpa mat fyrir steikingu osfrv.