Fóðurbeðjuyrkið Blizzard er óreynt hérlendis en er ræktað erlendis sem fóður fyrir nautgripi. Blizzard hentar þar til upptöku með upptökuvélum. Blizzard rótarhnýðin eru hvít að lit. Þurrefnishlutfall er mjög hátt (allt að 70%) erlendis. Ekki liggur fyrir hvernig Blizzard þroskast hérlendis. 

Fóðurbeðja er afbrigði af beðju (beet) sem ætluð er til fóðurs. Íslenskar nafngiftir á þessum hópi nytjajurta hafa verið ruglingslegar og þær oft ranglega nefndar rófur, sbr. sykurrófur.

Sykurbeðja (Beta vulgaris), oft ranglega nefnd sykurrófa, er eiginleg beðja og á ensku nefnd "sugar beet". Fóðurbeðja eða "fodder beet" er fóðurafbrigði sömu tegundar. Eiginlegar fóðurrófur eru afbrigði gulrófu (Brassica napus) og tilheyra annarri ætt nytjaplantna og því er mun heppilegra að notast við nafngiftina "beðja" þegar tegundir af ættkvíslinni Beta eru annars vegar.

Blizzard er seld í 0,5 hektara einingu sem á að gefa 50 þúsund plöntur.