Úrslitakeppnin í Nemakeppni Kornax fer fram fimmtudag og föstudag 12. og 13. október næstkomandi í Hótel og Matvælaskólanum, bakaradeild Menntaskólans í Kópavogi.

Keppnin er einstakt tækifæri bakaranema til að auka við faglega færni og öðlast dýrmæta reynslu sem mun nýtast vel í verkefnum eins og verklegu lokaprófi og sveinsprófi. Verkefni nemanna er að útbúa glæsilegt veisluborð sem samanstendur af ýmsu brauðmeti, vínarbrauði og skrautstykkjum. Til stiga telst jafnframt uppstilling og borðskreyting.

Verðlaunaafhending fer fram föstudaginn 13. október kl. 17 í Menntaskólanum í Kópavogi (Sunnusal)  og eru allir velkomnir.

Sjá nöfn þeirra nema sem keppa til úrslita. Kornax óskar þeim góðs gengis.

Lovísa Þórey Björgvinsdóttir - Bæjarbakarí
Hugbjört Lind Möller - Sauðárkróksbakarí
Tinna Sædís Ægisdóttir - Gulli Arnars
Jóhanna Helga Ingadóttir - Brikk
Guðbjörg Salvör Skarphéðinsdóttir - Kökulist
Hekla Guðrún Þrastardóttir - Hygge