Í tengslum við Heilsudaga hestsins hjá Líflandi mun Dr. Susanne Braun flytja áhugavert veffræðsluerindi um hvar hægt er að gera betur í aðbúnaði og fóðrun yngri hesta, vandamálum og kvillum sem upp geta komið og skoða hvaða fóður- og bætiefnavörur geta gagnast á þessu skeiði.
Susanne Braun, fagdýralæknir hesta og kírópraktor, sem er íslenskum hestamönnum að góðu kunn, mun miðla af víðtækri þekkingu í máli og myndum auk þess sem opið verður fyrir spurningar sem svarað verður milli efniskafla í erindi hennar.
Veffræðsluerindið er liður í röð þriggja erinda sem haldin verða á næstu mánuðum og verða auglýst nánar á næstunni.
Erindið ókeypis og opið öllum en nauðsynlegt er að skrá sig. Við drögum út heppinn þátttakanda eftir hvert erindi sem hreppir góðan gjafapakka með hestafóðri og bætiefnum!