Fimmtudaginn 27. janúar kl. 13 verður haldinn veffræðslufundur þar sem sérfræðingar Trouw Nutrition munu fjalla um nýjar lausnir til að bæta heilsufar mjólkurkúa. Fundurinn er opinn öllum en nauðsynlegt er að skrá sig.

 

Heilbrigðar kýr gefa af sér meiri og betri afurðir. Með bættu heilsufari í fjósum landsins má bæta líðan dýranna, hafa bein áhrif á afkomu búanna, bæta vinnuumhverfið og efla ímynd íslensks landbúnaðar. Trouw Nutrition, sem starfar fyrir bændur víða um heim, hefur nú þróað líkan sem er auðvelt í notkun, þar sem bændur geta sjálfir greint stöðuna á búi sínu og í kjölfarið sett sér markmið um bætta afkomu. Í þessari veffræðslu verður meðal annars komið inná helstu þekktu áhættuatriðin á lífskeiði mjólkurkúa og hvernig hægt sé að mæta þeim með fyrirbyggjandi hætti.

 

Nauðsynlegt er að skrá sig á fundinn 

 

>> Skráðu þig hér

Lífland hefur um árabil boðið bændum upp á fræðslufundi undir nafninu Þorraþræll, sem bændur hafa mátt sækja í verslanir okkar og á fleiri staði um landið. Í ljósi aðstæðna munum við færa fundina inn í stofu til þín, með því að bjóða upp á fræðslufundinn á vefnum.

 

Í veffræðslunni munu sérfræðingar Trouw Nutrition, sem eru íslenskum kúabændum vel kunnir, fjalla um nýjar lausnir til að bæta heilsufar mjólkurkúa og auka með því daglegar afurðir þeirra.

 

Veffræðslan er ókeypis og opin öllum en nauðsynlegt er að skrá sig. Þrír heppnir gestir hreppa svo góðan gjafapakka með bætiefnum fyrir mjólkurkýr, sem ætti að nýtast vel á öllum kúabúum.

 

Tekið skal fram að fyrirlesturinn fer að mestu fram á ensku, en glærur eru á íslensku og ensku. Við höfum viðburðinn lifandi með því að bjóða ykkur að taka þátt í umræðunni með spurningum í gegnum netið og með því að þátttakendur svari stuttum spurningum inn á milli í fyrirlestrinum sjálfum.