Í samstarfi við Lífland mun hin góðkunna Dr. Susanne Braun halda veffyrirlestur 1. mars kl. 17 um fóðrun eldri hrossa og hesta með líkamleg vandamál. Þar mun hún skoða hvernig best er að haga fóðrun eldri hesta og hvernig best er hugað að endingu og langlífi þeirra.

 

Ekki láta áhugaverðan fyrirlestur framhjá þér fara. Heppinn þáttakandi í fyrirlestrinum hreppir góðan gjafapakka með hestafóðri og bætiefnum!

 

Dr. Susanne Braun er íslenskum hestamönnum að góðu kunn. Susanne hefur starfað sem dýralæknir á Íslandi í hátt í tvo áratugi. Hún er sérfræðingur í hestasjúkdómum og auk þess IVCA kírópraktor og reiðkennari ásamt því að vera alþjóðlegur íþróttadómari. Í doktorsritgerð sinni „Health status in Icelandic Horses in Iceland and after import in Germany“ rannsakaði Susanne fjölmarga lífeðlis- og næringarfræðilega þætti í íslenskum hestum, bar saman við efnagreiningar á fóðri hérlendis sem erlendis og kannaði meðal annars hvaða áhrif þeir hefðu á heilsu hesta við álag af völdum flutninga. Susanne vinnur mikið með blóðsýni sem hún tekur úr hestum og sendir út til greiningar og byggir fyrirlestur hennar að talsverðu leyti á niðurstöðum eigin rannsókna.

 

Veffræðsluerindið er ókeypis og opið öllum en nauðsynlegt er að skrá sig hér fyrir neðan. Við drögum út heppinn þáttakanda sem hreppir góðan gjafapakka með hestafóðri og bætiefnum!