Fóðrun hrossa er vandasamt verk enda fóðurþarfir einstaklinga misjafnar. Þannig getur t.a.m. verið mikill munur á þörfum tryppa í örum vexti, fylfullra hryssa, keppnishesta, reiðhesta í lítilli eða mikilli brúkun, holdgrannra hesta eða hesta sem komnir eru á efri ár.
Á Íslandi eiga öll hross þó sameiginlegt að lifa á landi þar sem stein- og snefilefnaskortur er algengur. Ef gróffóðrið fullnægir ekki fóðurþörfum hestsins er nauðsynlegt að bæta fóðrun með réttum bætiefnum, kjarnfóðri, saltsteini eða steinefnum.