Nýjasta viðbótin við fóðurbílaflota Líflands

Við vorum að fá þennan gullfallega fóðurbíl í vikunni sem leið og mun hann leysa af hólmi eldri fóðurbíl sem hefur þjónustað bændur landsins með prýði undanfarin ár.

Bíllinn er af gerðinni Mercedes Benz 2658 og er búnaðurinn á honum frá Welgro í Hollandi. Hann er með loftstýrðum lokum sem bílstjórinn getur stjórnað aftan á bílnum og einfaldar þannig vinnu við losun.
Hann er einnig búinn myndavélabúnaði fyrir akstur sem veitir góða yfirsýn og leysir hliðarspegla af hólmi.