Aðalheiður Anna Guðjónsdóttir  sigurvegari í slaktaumatölti Meistaradeildar Líflands í hestaíþróttum.

Keppni í slaktaumatölti T2 í Meistaradeild Líflands í hestaíþróttum fór fram á Ingólfshvoli í Ölfusi í kvöld (11. febrúar). Eins og í fyrri keppni var mótið haldið án áhorfenda en sýnt var beint á RÚV2 og streymt var til erlendra áhorfenda á AlendisTV. 

Aðalheiður Anna Guðjónsdóttir og hestur hennar Óskar frá Breiðstöðum voru með nokkuð örugga forystu eftir forkeppni með einkunnina 7,97. Þau enduðu einnig sem sigurvegarar í úrslitum með einkunnina 8,20

Árni Björn og Katla frá Hemlu hækkuðu sig í úrslitum í annað sætið úr því sjötta frá forkeppni en Jakob á Kopar frá Fákshólum komu fast á hæla þeirra og enduðu í því þriðja.

Lið Top Reiter hlaut liðaplatt­ann en liðið var með tvo knapa í A-úr­slit­um, þá Árna Björn Pálsson og Teit Árnason. Eft­ir gott gengi í slaktauma­tölt­inu hækkaði liðið sig líka úr 5. sæti í liðakeppn­inni yfir í 2. sætið með  92 stig. En efst í liðakeppn­inni er lið Hestvits / Árbakka með 105 stig og í því þriðja er lið Hjarðartúns með 85,5 stig.

Efst­ur í ein­stak­lingskeppn­inni er  Jakob Svavar Sigurðsson úr liði Hjarðartúns með 18 stig en saman í öðru sæti eru þau Jóhanna Margrét Snorradóttir úr liði Hestvits / Árbakka og Árni Björn Pálsson úr liði Top Reiter, bæði með 15 stig.

Niðurstöður úrslita voru eftirfarandi:

1. Aðalheiður Anna Guðjónsdóttir - Óskar frá Breiðstöðum - Ganghestar / Margrétarhof 8,2
2. Árni Björn Pálsson - Katla frá Hemlu II - Top Reiter  7,87
3. Jakob Svavar Sigurðsson - Kopar frá Fákshólum – Hjarðartún 7,83
4. Jóhanna Margrét Snorradóttir - Bárður frá Melabergi - Hestvit / Árbakki 7,75
5. Teitur Árnason - Brúney frá Grafarkoti - Top Reiter  7,63
6. Helga Una Björnsdóttir - Þoka frá Hamarsey – Hjarðartún 7,2

Niðurstöður úr forkeppni:

Dómarar kvöldsins voru:

Páll Briem, Svanhildur Hall, Erlendur Árnason, Sigurður Ævarsson og Sigurbjörn Viktorsson.

Yfirdómari kvöldsins var Sigríður Pjetursdóttir.