Lífland hefur innflutning á tilbúnum áburði þetta vorið og er þetta í fyrsta sinn sem félagið býður upp á slíka vöru. Stefna Líflands er að geta boðið bændum landsins upp á heildarlausnir í búrekstrarvörum og er þessi nýjung liður í þeirri stefnu.
Áburðurinn er markaðssettur undir heitinu „LÍF“ og slagorðinu „Fáðu LÍF í tún og akra“ sem vísar beint í eiginleika áburðarins og nafn Líflands. Áburðurinn kemur frá írska fyrirtækinu Grassland Agro og uppistaða vöruframboðsins eru fjölkorna blöndur. Grassland Agro er virt fyrirtæki á írska áburðarmarkaðinum og um þeirra hendur fer um fjórðungur alls áburðar sem seldur er á Írlandi þar sem þeir reka þrjár blöndunarstöðvar. Verða alls níu vörutegundir á boðstólunum þetta árið m.a. nokkrar selenbættar.
Nánari upplýsingar um vöruúrvalið og tilhögun tilboðsgerðar veita Berglind Ásgeirsdóttir og Jóhannes Baldvin Jónsson í síma 540-1138 eða á aburdur@lifland.is.
Hér má nálgast verðskrá en athygli er vakin á því að sérkjör eru á flutningi ef tekin eru 6 tonn (12 stórsekki) eða meira af áburði.