Bændafundasyrpa Líflands hófst í gær með fundum á Flúðum og Hvolsvelli. Góð mæting var á fundina og tókust þeir vel til. 

Á fundunum fjallaði Gerton Huisman, sérfræðingur frá Trouw Nutrition í Hollandi, um hvernig auka má fitu í mjólk á markvissan hátt. Auk þess var fjallað um niðurstöður heysýna frá vetrinum, en heysýnataka og greining á heysýnum hefur verið vaxandi þáttur í þjónustu Líflands á liðnum árum. Nýtt fóðuráætlunar- og bestunarkerfi, NutriOpt, var kynnt til leiks, en kerfið er liður í aukinni þjónustu Líflands á sviði fóðuráætlunargerðar fyrir kúabændur. 

Fundasyrpan heldur áfram, og í dag, þriðjudaginn 25. nóvember verður haldinn fundur á Hótel Höfn, Hornafirði kl. 20:30. Á morgun, miðvikudag, er svo ætlunin að halda hádegisfund á Egilsstöðum kl. 11:30 en á Akureyri kl. 20:30, en ítarlegri dagskrá má finna hér.