Lífland hefur um árabil boðað til bændafunda víða um land og verður þetta ár engin undantekning. Á bændafundunum hefur ýmsum fróðleik verið miðlað til bænda, einkum í sambandi við fóðrun- og aðbúnað mjólkurkúa. Sjá auglýsingu hér.
Á dagskrá fundanna nú verður samantekt á niðurstöðum heysýnagreininga og samanburður við fyrri ár, fjallað verður um helstu fóðurgrös, notagildi þeirra auk þess sem tæpt verður á sáðvöruúrvali Líflands. Farið verður yfir hvernig bæta má heilbrigði nautgripa með markvissri notkun bætiefna og nýjar kjarnfóðurblöndur Líflands verða kynntar.
Fyrirlesarar verða Gerton Huisman, sérfræðingur frá Trouw Nutrition í Hollandi auk ráðgjafa Líflands. Hluti fyrirlestra mun fara fram á ensku, en verður þýddur jafnóðum. Boðið verður upp á veitingar og eru allir velkomnir.
Fundirnir verða haldnir á eftirfarandi stöðum:
Þriðjudaginn 26. nóvember
Hótel Flúðir kl. 11:00
Hótel Hvolsvöllur kl. 20:30
Miðvikudaginn 27. nóvember
Hótel Hamar við Borgarnes kl. 11:00
Harmonikkusalurinn á Blönduósi kl. 20:30
Fimmtudaginn 28. nóvember
Hótel Varmahlíð, Skagafirði kl. 11:00
Hótel KEA, AKureyri kl. 20:30.