Lífland hefur innkallað spón frá Staben AB vegna aðskotahlutar sem fannst í einum spónaballa. Um var að ræða hluta af dýri, líklega legg af litlu dádýri.
Um leið og málið kom upp var viðbragðsáætlun virkjuð í samráði við MAST og hafist handa við innköllun á öllum spón úr viðkomandi sendingu.  

Búið er að rekja allar afgreiðslur úr sendingunni og hafa samband við hvern og einn viðskiptavin sem hafði þessa vöru undir höndum og gera viðeigandi ráðstafanir.   

Aðrir sem eiga spón frá Staben og hafa ekki heyrt frá starfsmönnum Líflands þurfa því ekki að gera ráðstafanir vegna málsins.

Staben AB er virt fyrirtæki í Svíþjóð. Að sögn forsvarsmanna hefur ekkert viðlíka komið upp á 30 ára framleiðsluferli.

Heillegt stykki, eins og þetta sem fannst, kemst ekki í gegnum lokað framleiðsluferli hjá þeim.

Við nánari skoðun eru allar líkur á að um skemmdarverk hafi verið að ræða hjá framleiðanda og málið rannsakað sem slíkt.

 Nánari upplýsingar um málið veitir Rannveig Hrólfsdóttir, gæðastjóri Líflands, í síma 843-6119.