Bændur úr vestur-Landeyjum komu í heimsókn í fóðurverksmiðju Líflands á Grundartanga í dag. Hópurinn kynnti sér starfsemi verksmiðjunnar og þáði veitingar.
Lífland hóf framkvæmdir við byggingu nýrrar fóðurverksmiðju á Grundartanga í Hvalfirði í júlí 2009. Ári síðar var fyrsta fóðurframleiðslan keyrð út úr verksmiðjunni. Verksmiðjan er byggð samkvæmt nýjustu kröfum í fóðuriðnaði og er samanburðarhæf við fullkomnustu verksmiðjur sömu gerðar í heiminum. Framleiðslugetan er 13 tonn af fóðri á klukkustund. Í verksmiðjunni eru 10 síló og flatgeymsla sem rúma samtals 11.500 tonn af hráefni og 52 síló sem rúma 1.500 tonn af fullunnu fóðri.