Kvennakvöld Líflands voru haldin núna í apríl og maí, á Lónsbakka Akureyri og Lynghálsi Reykjavík.

 

Þann 30. apríl síðastliðinn var haldið kvennakvöld í verslun Líflands að Lónsbakka Akureyri. Þangað mættu 13 hressar konur, nutu góðra veitinga og hlustuðu á Þórdísi Erlu Gunnarsdóttur reiðkennara halda áhugverðan fyrirlestur um líkamsbeitingu knapa.

 

Þann 6. maí var svo kvennakvöldið haldið í verslun Líflands á Lynghálsi í Reykjavík.  Þangað mættu 34 konur, ungar sem aldnar, gæddu sér á veitingum og skemmtu sér konunglega. Þórdís Erla hélt frábæran fyrirlestur um líkamsbeitingu knapa og muninn á ásetu karla og kvenna og leiddi þetta af sér skemmtilega umræðu.  

Bæði kvöldin heppnuðust að venju mjög vel og hvetur það til frekari skemmtilegra uppákoma hjá Líflandi.