Helgina 3-4 oktober eru gæludýradagar í Líflandi, og ekki af verri endanum..

Helgin byrjar á föstudeginum á þvi að búðin á Lynghálsi  fyllist af kisum kl 16:00 en þá mun Frostrósar ræktun koma og kynna Norska skógarköttin og þar á meðal munu vera kettlingar.

Ekki er laugardagurinn af verri endanum, þá munu mæta hundasnyrtar bæði á Lyngháls og Lónsbakka. En þeir munu bjóða uppá klóa klippingu og gefa góð ráð um feldhirðu.

Nú þegar er byrjuð útsala af gæludýravörum, ekki missa af þessari frábæru helgi í Líflandi.

Ef þið viljið forvtinast meira um norska skógarköttin farið þá inn vefsíðu þeirra en slóðin er..

www.skogarkettir.is

Karlakvöld Líflands 14. mai 2008

Karlakvöld Líflands var haldið miðvikudaginn 14.maí í verslunni að Lónsbakka Akureyri. Góður rómur var gerður að uppákomunni meðal hestamanna á Akureyri og fjölmenntu þeir á staðinn. Sigurbjörn Bárðarson hélt fyrirlestur um reiðhallir og notkunarmöguleika þeirra. Fyrirlesturinn mæltist vel fyrir og urðu fjörlegar umræður meðal hestamanna um ýmsum þáttum velt upp. Starfsmenn
Líflands á Akureyri, Ellert og Einar, buðu upp á snilldargóðar snittur frá Bautanum og þær runnu ljúflega niður með norðlensku öli og snöffsum.

Vegna áframhaldandi hækkana á verði hráefna erlendis auk mikillar veikingar íslensku krónunnar, er fyrirsjáanleg hækkun á verði kjarnfóðurs á næstunni.

Nánari upplýsingar verða birtar á næstu dögum.

Undirbúningur Landsmóts hestamanna er nú á fullu skriði og að sögn Regínu S. Gunnarsdóttur sem starfar við sölu og markaðsmál Landsmóts er áhugi verslunarfólks gríðarlegur með að koma vörum og þjónustu á framfæri á meðan mótinu stendur.  Verslunaraðilum gefst kostur á útisvæðum og aðstöðu í markaðstjaldi eins og verið hefur en einnig verður glæsileg aðstaða fyrir sölubása í reiðhöllinni sem nú er í byggingu og miðar vel áfram.  Hægt er að kynna sér sölu- og markaðsmál nánar á heimasíðu Landsmóts www.landsmot.is.

Meðfylgjandi mynd var tekin á dögunum þegar innsiglaður var samstarfssamningur Líflands og Landsmóts hestamanna.  Lífland hefur um árabil verið einn af aðal bakhjörlum Landssambands hestamanna og í ár mun fyrirtækið jafnframt hafa veglega aðkomu að Landsmóti.

Eins og flestum er kunnugt stendur Landsmótið yfir dagana 30. Júní – 6. júlí.  Forsala aðgöngumiða er þegar hafin á netinu og eru viku- og helgarmiðar 15% ódýrari til 1. maí nk.  Sú nýbreytni hefur jafnframt verið tekin upp á LM 2008 að auk miðasölu á netinu geta gestir keypt stúkur og hjólhýsastæði sem og pantað sín eigin stúku- og hjólhýsastæði gegn framvísun miðakvittunar.  Allar nánari upplýsingar um tilhögun er að finna á heimasíðu Landsmóts:  www.landsmot.is